கவ&#3007;த&#3016;கள&#3021;

நீ இல்லாத
பொழுதுகளின் வெம்மைகளில்
உன் நினைவை அள்ளி
உயிரெங்கும்
பூசிக்கொள்கிறேன்
உயிர்த்திருத்தலுக்கு
சகதியை தேடும் நண்டாய்

மௌனத்தை மொழிபெயர்க்கும் கருவி

இடுகையிட்டது அ.குரு ,

வாழ்வின் தீராத

பக்கங்களில்

நிரம்பியிருக்கும்

நம் மௌனத்தின்

வார்த்தைகளை

மொழி பெயர்க்கும்

கருவி

காதல்

தோற்றபின்னும் தொடரும் காதல்.

இடுகையிட்டது அ.குரு ,

4 கருத்துரைகள்

காமமாகி கசிந்துருகி

விம்மி அடங்கும்

தருணங்களில்

எனை ஏமாற்றியதை

மறந்து போயிருப்பாய்……

எதிர்படும் விளம்பரபலகையில்

உன் பெயரை

பார்த்து

அவஸ்தையுடன்

கடந்து போகையில் எங்கிருந்தோ

ஒலிக்கும் உனது

அலைபேசியின் அழைப்புமணி

பாடல்

செல்லாத வாக்காய் போன குருட்டுதமயந்திகள்

இடுகையிட்டது அ.குரு ,

தேர்தலில்

செல்லாத வாக்குகள்

மக்கள்

********************************************************

திருட்டு நளனுக்கு

குருட்டு தமயந்திகள்

மாலையிட்டனர்

மந்திரி

*****************************************************

ஐந்தாண்டு ஆட்டம்

இந்த முறையும்

ராஜா ராணிகள்

உனை வெட்டி

ஜெயித்திருப்பார்கள்

மீண்டும் நீ

தயாராவாய்

அடுத்த ஆட்டத்திற்கு

உயிரை உருக்கும் இரசாயனம்

இடுகையிட்டது அ.குரு ,

கனவுகளை

நெசவு

செய்யச்சொல்லும்

உன்

பார்வைகள்

**********************************************************

உயிரை உருக்கும்

இரசாயனம்

உன்

நினைவுகள்

************************************************************

மௌனத்தில்

புதைந்திருக்கும்

அழுகையை கிழிக்கும்

கத்தியாய்

உன்

வார்தைகள்

*****************************************************

உயிர்கொல்லி ஆயுதம்

இடுகையிட்டது அ.குரு ,

உன்னை

பார்துக்கொண்டுடிருக்கையில்

கிளம்பும் பேருந்துக்கு

தெரியாது.....

உன் கண்களை

கடைசியாய்

பார்பதென்பது

என்னை

நானே

சிலுவையில்

அறைந்து கொள்(ல்)வது என்று !

உயிர்த்திருத்தல்

இடுகையிட்டது அ.குரு ,

5 கருத்துரைகள்

அந்தி சாயும்

பொழுதுகளில்

மெல்ல கவிழும்

தனிமையினூடே

வந்து சேரும்

இயலாமையின் பரிதவிப்புகள்

சொல்லிப்போகும்

உயிர்த்திருத்தல்

தீராத பெரும் சோகமென்று

உயிரோவியம்

இடுகையிட்டது அ.குரு ,

உனக்கான

என் கவிதையை

எங்கோ

படித்த மாதிரி

இருக்கிறது என்கிறாய் ….!

இல்லையடி இல்லை

பார்த்த மாதிரி

என்று சொல்

தினந்தோறும் கண்ணாடியில்

உன்னைதானே

பார்த்து கொள்கிறாய் ....!

வழி தெரியா பயணங்கள்

இடுகையிட்டது அ.குரு ,

சென்ற முறை

பேருந்தின் கூடவே

வந்தன

மரங்களின் பசுமைகள்

இந்த முறையும் அவை வந்தன

கதவுகளும் , ஜன்னல்களுமாய் !

Mr. பொதுஜனம்

இடுகையிட்டது அ.குரு ,

அரசியல் சூதாடிகள்

ஒவ்வொரு ஆட்டத்திலும்

உன்னை

மையப்படுத்தியே

ஜெயிப்பார்கள்.....

நீதானே ஜோக்கர் !

நடைவெளி ஞாபகங்கள்

இடுகையிட்டது அ.குரு ,

தயங்கி தயங்கி

நீ

பார்கையில்.....

தயக்கங்களாய்

தவிக்கிறது

காதல் .

தினை மயக்கம்

இடுகையிட்டது அ.குரு ,

குற்றாலமாய்

குதித்து வந்த

உயிரெழுத்துகள்

உனை

பார்த பின்

ஆயுத எழுத்தாயின

விடையை தேடும் விசாரனை

இடுகையிட்டது அ.குரு ,

இந்நேரம்

குட்டி போட்டுருக்குமா ?

தொலைந்து போன

புத்தகத்தில்

வைத்திருந்த

மயிலிறகு

ஆண்மையின் வலியறிதல்…

இடுகையிட்டது அ.குரு ,

உன்னால்

கர்பம் தரித்த

நினைவுகளை

சுமக்கிறேன்

தினம் தினம்

பிரசவ வலியுடன்

சொல்லுதல் யார்க்கும் எளியவாம் …..?

இடுகையிட்டது அ.குரு ,

உன்னிடம்

பேச நினைத்த

வார்தைகளை

மௌனங்களுக்கு

தின்னக்கொடுத்து விட்டு

பேசாமலே

திரும்பி

வருவேன்.....

அடுத்த முறைக்குமான

ஆறுதல்களோடு .

வினாடியின் விபரீதம்

இடுகையிட்டது அ.குரு ,

சாலையில்

சிதறியிருக்கும்

கண்ணாடி சிதறலுக்கிடையில்

தேங்கியிருக்கும்

இரத்தத்திலும்…….

ஓடி வந்தும்

கடைசி பேருந்தை

தவற விட்டவனின்

தவிப்பிலும்….

உறைந்துபோய் இருக்கிறது

வினாடியின் விபரீதம்.

வாசிக்க வாசிக்க தீராத வாக்கியம்

இடுகையிட்டது அ.குரு ,

பருவங்கள்

வரவு வைத்து

செல்லும்

வசந்த கால பக்கங்களின்

வாசிக்க வாசிக்க........

தீராத வாக்கியம்

நீ

சவ்வூடு பரவல்

இடுகையிட்டது அ.குரு ,

என் வெட்கத்தின்

வேர்களில்

வெந்நீராய்

உன் பார்வைகள்

பிழைப்பு

இடுகையிட்டது அ.குரு ,