மனிதன் மட்டும் ஏன் இப்படி..??
பறவைகள் எந்த மரங்களையும்
விலைக்கு வாங்கியதில்லை!
இருந்தாலும்..
மரங்கள் யாவும் பறவைகளுக்காகவே
வான் நோக்கி வளர்கின்றன!
இரவைச் சேமித்துவைத்தில்லை!
இருந்தாலும்..
இரவு நிலவை மட்டுமே
எதிர்நோக்கியிருக்கிறது!
ஆடு, மாடுகள் யாவும்
தலையில் புல்லைக் கட்டிக்கொண்டு
மேயச்செல்வதில்லை!
இருந்தாலும்..
தாவரங்கள் இவற்றையே
பச்சைக் கொடிகாட்டி அழைக்கின்றன!
நதிகள் எங்கும்
முகவரி தேடி மயங்கியதில்லை!
இருந்தாலும் கடல்
நதிகளுக்காகவே காத்திருக்கிறது!
வேர்கள் எப்போதும்
தன்னை விளம்பரம் செய்துகொண்டதில்லை!
இருந்தாலும்..
மழை என்றும்
வேர்களை மறந்ததில்லை!
ஆனால் மனிதன்
மட்டும்..
எதை எதையோ
விலைக்கு வாங்குகிறான்!
சேமித்து
வைக்கிறான்!
உணவுமூட்டையைத் தூக்கிக்கொண்டே
திரிகிறான்!
முகவரியைத்
தேடித்தேடி மயங்குகிறான்!
எதற்காகவோ
காத்திருக்கிறான்!
விளம்பரப்
பலகை ஏந்திக்கொண்டே நடக்கிறான்!
gunathamizh.blogspot.com
கருத்துகள் இல்லை:
கருத்துரையிடுக